စစ်တွေမြောက်ဘက် ၂ မိုင်ခန့်အကွာမှ ၁၀ မိုင်ခန့်ဝေးသည့် မန်ဇီအရပ်သို့ လာမည့်လကုန်တွင် အပြီးသတ်ရွှေ့ရန် အနောက်ပိုင်းတိုင်း စစ်ဌာနချုပ် အခြေစိုက်သည့် အမ်းမြို့ရှိ ကျောက်ဖြူခရိုင် အေးချမ်းသာယာရေးရုံးက ယခုလဆန်းတွင် ထုတ်ပြန်ထားသည်။
“သင်္ချိုင်းနေရာကို ဇန်နဝါရီလကုန်မှာ နောက်ဆုံးထားပြီး ပြောင်းဖို့ အမိန့်ထွက်လာတာပါ။ ပြည်သူတွေကတော့ အသုဘချရင် အဲ့ဒီနေရာသစ်ကို ပြောင်းချလို့ ရပါပြီ။ မြို့နယ်ကနေ ထပ်ဆင့်အမိန့်လည်း ထုတ်ထားပါပြီ။ သင်္ချိုင်းအသစ်လုပ်မယ့် နေရာမှာ ဇရပ်တို့၊ ခြံစည်းရိုးတို့ လုပ်ရဦးမယ်လေ။ သင်္ချိုင်းဟောင်းမှာလည်း အုတ်ဂူတွေ ဖျက်ရမှာတို့ဘာတို့ ရှိသေးတယ်လေ” ဟု အမည်မဖော်လိုသည့် စစ်တွေမြို့ မယက မြို့နယ်ရုံးမှ ဝန်ထမ်းတဦးက မဇ္ဈိမကို ပြောသည်။
ယင်းနေရာတွင် မိုးလေဝသစခန်းတခု တည်ဆောက်ရန် ရည်ရွယ်ထားကြောင်း သူက ဆိုသည်။
အာကျိတ်တော်ကုန်းရှိ သင်္ချိုင်းဟောင်းကို ၁၇၈၄ ခုနှစ် စစ်တွေမြို့တည်ကတည်းက တည်ရှိခဲ့ပြီး ဗုဒ္ဓဘာသာ၊ မူဆလင်ဘာသာဝင်များနှင့် တရုတ်လူမျိုးများအတွက် သီးခြားခွဲထားရှိခဲ့သည်ဟု ဒေသခံများက ပြောသည်။
သင်္ချိုင်း၌ လွတ်လပ်ရေးကြိုးပမ်းစဉ် ကျဆုံးခဲ့သော ဗိုလ်မှူးမြတောင်ရည် အပါအဝင် နိုင်ငံရေး ခေါင်းဆောင်များ၊ စစ်တွေဆန်ပြဿနာတွင် အာဏာပိုင်များက ပစ်ခတ်သဖြင့် သေဆုံးခဲ့သူများလည်း မြှပ်နှံခဲ့သည်။
မဇ္ဈိမ မှကူးယူပါသည်။
Sign up here with your email